ជាមួយបទពិសោធន៍ជិត ១៦ ឆ្នាំ ក្នុងវិស័យធនាគារ លោក ហឹុម ភារម្យ បាននាំមកនូវចំណេះជំនាញយ៉ាងជ្រៅជ្រះផ្នែកសេវាកម្មធនាគារបុគ្គល និងសេវាបម្រើអតិថិជន។ ក្នុងអំឡុងពេលបំពេញការងារកន្លងមក លោកបានកាន់តំណែងសំខាន់ៗជាច្រើន រួមមាន៖ ប្រធានឥណទាន, នាយករងសាខា, នាយកសាខា, នាយកនាយកដ្ឋានគ្រប់គ្រងសាខា និងតំបន់, នាយកប៊ែងកាស៊ួរ៉េន (Banca Division) និងនាយកសេវាធនាគារព្រីមៀរ (Premier Banking)។ បន្ថែមពីលើនេះ លោកក៏ធ្លាប់បានបម្រើការងារជា នាយកស្តីទីនៃសេវាប្រាក់បញ្ញើ និងជានាយកនៃតំបន់ ដែលឆ្លុះបញ្ចាំងពីសមត្ថភាពបត់បែនខ្ពស់ក្នុងការបំពេញតួនាទីរបស់លោក។
លោកបានចូលរួមជាមួយ ធនាគារ អុឹមប៊ី (ខេមបូឌា) ក្នុងខែសីហា ឆ្នាំ២០២៣ ក្នុងតួនាទីជា នាយកប្រតិបត្តិសេវាកម្មធនាគារបុគ្គល និងបានរួមចំណែកលើកិច្ចការងារជាច្រើនដើម្បីជំរុញភាពរីកចម្រើនរបស់ធនាគារ តាមរយៈការផ្តោតលើការផ្តល់ជូនភាពងាយស្រួល និងអត្ថប្រយោជន៍ជូនអតិថិជនក្នុងការទទួលបានសេវាកម្មធនាគារបុគ្គលដ៏ល្អ លោកបានដើរតួនាទីយ៉ាងសំខាន់ក្នុងការជំរុញឱ្យ ធនាគារ អុឹមប៊ី (ខេមបូឌា) ក្លាយជាធនាគារដែលអាចផ្តល់ជូននូវដំណោះស្រាយធនាគារដ៏ទំនើប និងសម្បូរបែប ដែលស្របនឹងតម្រូវការទីផ្សារ។