នាព្រឹកថ្ងៃពុធ ទី ២២ ខែតុលា ឆ្នាំ២០២៥៖ ធនាគារ អុឹមប៊ី (ខេមបូឌា) បានប្រកាសជាផ្លូវការអំពីការបើកសម្ពោធសាខាថ្មី ដែលមានទីតាំងស្ថិតនៅអគារលេខ ៧១៤ ផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ក្រោមការចូលរួមពីសំណាក់អាជ្ញាធរពាក់ព័ន្ធ គណៈគ្រប់គ្រងរបស់ធនាគារ ដៃគូអាជីវកម្ម និងអតិថិជន។

ការបើកបន្ថែមសាខាថ្មីនេះគឺជាផ្នែកមួយនៃយុទ្ធសាស្ត្រគន្លឹះដើម្បីឆ្លើយតបទៅនឹងតម្រូវការរបស់អតិថិជនក៏ដូចជាសម្រាប់ផែនការហិរញ្ញវត្ថុរយៈពេលវែងរបស់ ធនាគារ អុឹមប៊ី (ខេមបូឌា) នៅក្នុងតំបន់សក្តានុពល និងមានភាពរីកចម្រើនឆាប់រហ័សក្នុងរាជធានីភ្នំពេញ ក៏ដូចជាសម្រាប់ប្រទេសកម្ពុជាទាំងមូល។

លោក Nguyễn Anh Khánh អគ្គនាយករបស់ ធនាគារ អុឹមប៊ី (ខេមបូឌា) បានមានប្រសាសន៍ឱ្យដឹងថា "នេះគឺជាភស្តុតាងដ៏ប្រាកដប្រជានៃការប្តេជ្ញាចិត្តជាយុទ្ធសាស្ត្ររយៈពេលវែងរបស់យើង ចំពោះការជ្រើសរើសទីតាំងដែលមានអតិថិជនរស់នៅច្រើនកុះករ និងមានសកម្មភាពសេដ្ឋកិច្ចសំខាន់ៗចម្រុះដ៏សម្បូរបែប។ ហើយធនាគារ អុឹមប៊ី (ខេមបូឌា) មានវត្តមាននៅទីនេះដើម្បីបំពេញជូនអតិថិជននូវតម្រូវការសេវាហិរញ្ញវត្ថុជាពិសេសជួយដល់សហគ្រាសធុនតូច និងមធ្យម (SMEs) ឱ្យទទួលបាននូវភាពរីកចម្រើន តាមរយៈការគ្រប់គ្រងសាច់ប្រាក់ដ៏មានប្រសិទ្ធភាពបំផុត។"

លោកបានបន្ថែមថា ជាការពិត បច្ចុប្បន្ននេះជាសម័យដែលបច្ចេកវិទ្យាឌីជីថលមានការរីកចម្រើនខ្ពស់ ហើយធនាគារ អុឹមប៊ី (ខេមបូឌា) ក៏បានផ្តល់ជូននូវសេវាធនាគារចល័ត (MBCambodia My Bank App) ដែលប្រកបដោយភាពទំនើបទាន់សម័យ និងមានសុវត្ថិភាពខ្ពស់បំផុតដែលអតិថិជនអាចរីករាយធ្វើប្រតិបត្តិការហិរញ្ញវត្ថុយ៉ាងងាយស្រួលគ្រប់ពេលវេលា និងទីកន្លែង (២៤/៧) ប៉ុន្តែយើងជឿជាក់ថា ការជួបប្រឹក្សាដោយផ្ទាល់លើសេវាហិរញ្ញវត្ថុមួយចំនួននៅតែចាំបាច់ និងផ្តល់ភាពងាយស្រួលសម្រាប់អតិថិជនក្នុងការទទួលបាននូវព័ត៌មានគ្រប់ជ្រុងជ្រោយ តាមរយៈក្រុមការងារដែលបានឆ្លងកាត់ការបណ្តុះបណ្តាលប្រកបដោយវិជ្ជាជីវៈនៅសាខារបស់ធនាគារយើង។

គួរបញ្ជាក់ផងដែរថា ស្ថិតនាឱកាសដ៏វិសេសវិសាលក្នុងការបើកសម្ពោធសាខាថ្មីនេះ ធនាគារអុឹមប៊ី (ខេមបូឌា) ក៏មានផ្តល់ជូននូវកម្មវិធីពិសេសៗជាច្រើនដល់អតិថិជនដែលរស់នៅតំបន់ច្បារអំពៅ រួមមាន៖ ការផ្តល់ជូនសាច់ប្រាក់ត្រលប់បន្ថែមភ្លាមៗ (០,១០%) បន្ថែមលើអត្រាការប្រាក់បញ្ញើមានកាលកំណត់ដ៏ទាក់ទាញ (៦,២៥% ក្នុងមួយឆ្នាំ សម្រាប់ការសន្សំជាប្រាក់រៀល) ជាមួយនឹងការផ្តល់ជូននូវលេខគណនីពិសេសដោយមិនគិតថ្លៃ, ការផ្ទេរប្រាក់ទៅវៀតណាមដោយមិនអស់ថ្លៃសេវា (តាម MBCambodia My Bank App), ការផ្តល់ជូននូវអត្រាការប្រាក់យ៉ាងទាបសមរម្យបំផុតសម្រាប់កម្ចីអាជីវកម្ម, ការផ្តល់ជូនពិសេសលើសេវាលិខិតធានា (BG) និងការផ្តល់ជូនពិសេសៗជាច្រើនផ្សេងទៀត។ 

លក្ខខណ្ឌផ្សេងៗនឹងត្រូវបានអនុវត្តសម្រាប់កម្មវិធីផ្តល់ជូនពិសេសខាងលើ។ ធនាគារអុឹមប៊ី (ខេមបូឌា) សូមរក្សាសិទ្ធិក្នុងការកែប្រែដោយពុំចាំបាច់ជូនដំណឹងជាមុន។ 

 

អំពី ធនាគារ អុឹមប៊ី (ខេមបូឌា) 

ធនាគារ អុឹមប៊ី  (ខេមបូឌា) គឺជាបុត្រសម្ព័ន្ធរបស់ អុឹមប៊ី  គ្រុប ដែលជាស្ថាប័នហិរញ្ញវត្ថុឈានមុខគេមួយនៅវៀតណាម និងមានបទពិសោធន៍ជាង ៣០ ឆ្នាំមកហើយ។ ធនាគារ អុឹមប៊ី  (ខេមបូឌា) ត្រូវបានបើកដំណើរការជាធនាគារពាណិជ្ជជាផ្លូវការដោយទទួលបានអាជ្ញាប័ណ្ណពីធនាគារជាតិនៃកម្ពុជាក្នុងខែមករា ឆ្នាំ ២០២៣ បន្ទាប់ពីប្រតិបត្តិការជាសាខារបស់ធនាគារអាណាព្យាបាល (Military Commercial Joint Stock Bank) នៅកម្ពុជា ចាប់តាំងពីឆ្នាំ ២០១១។

តាមរយៈមូលដ្ឋានគ្រឹះដ៏រឹងមាំក្នុងទីផ្សារកម្ពុជា អស់រយៈពេលជាងមួយទសវត្សរ៍កន្លងមក ធនាគារ អុឹមប៊ី (ខេមបូឌា) កំពុងនឹងបោះជំហានទៅមុខយ៉ាងសំខាន់ក្នុងការប្រែក្លាយខ្លួនទៅជាធនាគារឌីជីថលដ៏ទំនើប ដោយផ្តោតលើអត្ថប្រយោជន៍អតិថិជនជាចម្បងសម្រាប់រាល់ការធ្វើទំនើបកម្មលើផលិតផល និងសេវាកម្មនានារបស់ខ្លួន។ ជាមួយនឹងមូលដ្ឋានគ្រឹះក្រោមការវិនិយោគដ៏សំខាន់ពីអុឹមប៊ី  គ្រុប, ធនាគារ អុឹមប៊ី  (ខេមបូឌា) មានបំណងរួមចំណែកលើការជម្រុញបន្ថែមនូវគុណវុឌ្ឍិក្នុងវិស័យធនាគារកម្ពុជា តាមរយៈការផ្តោតលើតម្រូវការអតិថិជន និងសេវាឌីជីថលជាអាទិភាព។ ធនាគារ អុឹមប៊ី  (ខេមបូឌា) ផ្ដល់ជូននូវដំណោះស្រាយសេវាហិរញ្ញវត្ថុដ៏សម្បូរបែប ជាមួយនឹងសុវត្ថិភាពខ្ពស់ ទំនុកចិត្តខ្ពស់ និងភាពងាយស្រួលសម្រាប់អតិថិជនទាំងអស់ ទាំងលក្ខណៈបុគ្គល និងសហគ្រាស។