លោក Hoang Minh Tuan គឺជាអ្នកជំនាញក្នុងវិស័យហិរញ្ញវត្ថុដែលមានបទពិសោធន៍ជាង ២០ឆ្នាំ។ ដោយមានឯកទេសខ្ពស់ក្នុងជំនាញព័ត៌មានវិទ្យា (IT) ការរៀបចំរចនាសម្ព័ន្ធប្រព័ន្ធ និងហេដ្ឋារចនាសម្ព័ន្ធសេវាកម្ម (IaaS)។
នៅក្នុងឆ្នាំ ២០០៨ លោកបានកាន់តំណែងជានាយករងនាយកដ្ឋានព័ត៌មានវិទ្យានៅ អុឹមប៊ី គ្រុប ក្រោយមក ក្នុងឆ្នាំ ២០១៥ លោកបានបន្តតួនាទីជានាយកនាយកដ្ឋានព័ត៌មានវិទ្យានៃ MB Ageas Life។ ក្នុងអំឡុងពេលនោះ លោកបានដឹកនាំការរៀបចំ និងអនុវត្តយុទ្ធសាស្ត្រឌីជីថលយ៉ាងសកម្ម ព្រមទាំងទទួលបានជោគជ័យគួរឱ្យកត់សម្គាល់ក្នុងការកសាងប្រព័ន្ធបច្ចេកវិទ្យាសម្រាប់ធានារ៉ាប់រងអាយុជីវិត ចាប់តាំងពីដំណាក់កាលដំបូងបំផុត។
មុនពេលផ្លាស់ប្តូរមកបម្រើការងារនៅ ធនាគារ អុឹមប៊ី (ខេមបូឌា) លោកធ្លាប់កាន់តំណែងជានាយកប្រតិបត្តិរងគ្រប់គ្រងព័ត៌មានវិទ្យានៃ អុឹមប៊ី គ្រុប ប្រចាំប្រទេសវៀតណាម។ ក្នុងតួនាទីនោះ លោកមានភារកិច្ចដឹកនាំ និងគ្រប់គ្រងរាល់ប្រតិបត្តិការបច្ចេកវិទ្យាព័ត៌មានសម្រាប់សម្ព័ន្ធក្រុមហ៊ុនទាំងមូល រួមទាំងក្រុមហ៊ុនបុត្រសម្ព័ន្ធទាំងអស់ផងដែរ។
ចាប់តាំងពីការចូលកាន់តំណែងជានាយកព័ត៌មានវិទ្យា (CIO) នាដើមឆ្នាំ២០២៥ មក លោកបានបង្ហាញពីភាពដឹកនាំដ៏ឆ្នើមក្នុងការត្រួតពិនិត្យរាល់គំនិតផ្តួចផ្តើមផ្នែកបច្ចេកវិទ្យា ដែលជាឆ្អឹងខ្នងនៃការអភិវឌ្ឍធនាគារ។ តាមរយៈការផ្តោតលើនវានុវត្តន៍ឌីជីថល លោកបានដើរតួជាអ្នកយុទ្ធសាស្ត្រក្នុងការលើកកម្ពស់ឧត្តមភាពនៃបទពិសោធន៍អតិថិជន និងការកសាងទំនុកចិត្តជូនដល់ម្ចាស់ភាគហ៊ុន ស្របតាមបេសកកម្មឆ្ពោះទៅរកភាពរីកចម្រើនប្រកបដោយចីរភាព។