រាជធានីភ្នំពេញ ថ្ងៃទី១៧ ខែតុលា ឆ្នាំ២០២៦៖ ស្របតាមអនុសាសន៍ណែនាំដ៏ខ្ពង់ខ្ពស់របស់ថ្នាក់ដឹកនាំគណៈប្រតិភូតំណាងក្រសួងការពារជាតិវៀតណាមក្នុងឱកាសបំពេញទស្សនកិច្ចនៅកម្ពុជានាពេលថ្មីៗនេះ ដែលបានសង្កត់ធ្ងន់លើការអភិវឌ្ឍដោយយកអតិថិជន និងប្រជាជនជាស្នូល ទំនួលខុសត្រូវចំពោះសង្គម និងការយកចិត្តទុកដាក់ចំពោះសហគមន៍មូលដ្ឋាន ធនាគារ អុឹមប៊ី (ខេមបូឌា) ម.ក បន្តប្រែក្លាយគុណតម្លៃទាំងនេះទៅជាសកម្មភាពជាក់ស្តែងប្រកបដោយអត្ថន័យ។

ក្រោមប្រធានបទ «រួមគ្នាដើម្បីសុខភាពសហគមន៍ – ពង្រឹងសាមគ្គីភាព និងចំណងមិត្តភាពរវាងកម្ពុជា និងវៀតណាម» ធនាគារ អុឹមប៊ី (ខេមបូឌា) បានចូលរួម និងគាំទ្រកម្មវិធីសុខាភិបាលសប្បុរសធម៌ ដែលរៀបចំឡើងនៅសាលាបឋមសិក្សាសំរោងខាងជើង ខណ្ឌព្រែកព្នៅ រាជធានីភ្នំពេញ។

កម្មវិធីនេះត្រូវបានរៀបចំឡើងដោយមានការអនុញ្ញាត និងការណែនាំពីរដ្ឋបាលរាជធានីភ្នំពេញ ព្រមទាំងមានការសម្របសម្រួលពីដៃគូសហការរវាងកម្ពុជា និងវៀតណាម។ កម្មវិធីបានប្រមូលផ្តុំក្រុមគ្រូពេទ្យ និងអ្នកស្ម័គ្រចិត្តចំនួន ១៧៥ នាក់ ដើម្បីផ្តល់សេវាពិនិត្យព្យាបាលជំងឺដោយឥតគិតថ្លៃ និងជំនួយចាំបាច់ដល់ប្រជាពលរដ្ឋ និងក្រុមគ្រួសារក្នុងមូលដ្ឋានប្រមាណ ២០០០ នាក់។

ក្រុមការងារ ធនាគារ អុឹមប៊ី (ខេមបូឌា) ក៏បានស្ម័គ្រចិត្តចូលរួមយ៉ាងសកម្ម ដោយចំណាយពេលវេលា និងកម្លាំងកាយចិត្ត ដែលបង្ហាញពីការប្តេជ្ញាចិត្តរួមរបស់ធនាគារចំពោះស្មារតីមនុស្សធម៌ សុខុមាលភាពសហគមន៍ និងការបង្កើតផលវិជ្ជមានជាក់ស្តែងសម្រាប់សង្គម។

សម្រាប់ធនាគារ អុឹមប៊ី (ខេមបូឌា) អតិថិជន ប្រជាជន និងសង្គមតែងតែជាស្នូលនៃការអភិវឌ្ឍប្រកបដោយចីរភាព។ តាមរយៈការប្រែក្លាយការណែនាំរបស់ថ្នាក់ដឹកនាំទៅជាសកម្មភាពជាក់ស្តែងសម្រាប់សហគមន៍ ធនាគារបញ្ជាក់ជាថ្មីនូវការប្តេជ្ញាចិត្តចំពោះការទទួលខុសត្រូវសង្គម ព្រមទាំងរួមចំណែកពង្រឹងសាមគ្គីភាព និងចំណងមិត្តភាពយូរអង្វែងរវាងវៀតណាម និងកម្ពុជា។