រាជធានីភ្នំពេញ ថ្ងៃទី ០៩ ខែតុលា ឆ្នាំ ២០២៦៖ ក្នុងឱកាសនៃការអញ្ជើញបំពេញទស្សនកិច្ចផ្លូវការរបស់នាយករដ្ឋមន្ត្រីវៀតណាមមកកាន់ព្រះរាជាណាចក្រកម្ពុជា ធនាគារ អុឹមប៊ី (ខេមបូឌា) ម.ក មានកិត្តិយសយ៉ាងជ្រាលជ្រៅក្នុងការស្វាគមន៍ថ្នាក់ដឹកនាំជាន់ខ្ពស់នៃរដ្ឋាភិបាលវៀតណាម រួមមាន ឯកឧត្តម Pham Duc An សមាជិកគណៈកម្មាធិការមជ្ឈិមបក្ស និងជាទេសាភិបាលធនាគារជាតិនៃវៀតណាម ព្រមទាំងប្រតិភូជាន់ខ្ពស់។

ទស្សនកិច្ចនេះគឺជាកិត្តិយសដ៏ធំធេងសម្រាប់ ធនាគារ អុឹមប៊ី (ខេមបូឌា) និងជាព្រឹត្តិការណ៍ដ៏មានអត្ថន័យ ដែលឆ្លុះបញ្ចាំងពីមិត្តភាពយូរអង្វែងរវាងកម្ពុជា និងវៀតណាម ព្រមទាំងបើកឱកាសថ្មីៗក្នុងការបន្តពង្រឹងកិច្ចសហប្រតិបត្តិការ និងជំរុញការអភិវឌ្ឍប្រកបដោយចីរភាពក្នុងប្រទេសទាំងពីរ។

វិស័យធនាគារនៃប្រទេសកម្ពុជា និងវៀតណាម ដើរតួនាទីយ៉ាងសំខាន់ក្នុងការពង្រឹងកិច្ចសហប្រតិបត្តិការហិរញ្ញវត្ថុ ការកែលម្អការភ្ជាប់ទំនាក់ទំនងទូទាត់ឆ្លងដែន ការសម្រួលពាណិជ្ជកម្ម និងវិនិយោគ ព្រមទាំងបង្កើតឱកាសកាន់តែច្រើនសម្រាប់អាជីវកម្ម និងប្រជាជននៃប្រទេសទាំងពីរ។

ការភ្ជាប់ទំនាក់ទំនងកាន់តែរឹងមាំរវាងគ្រឹះស្ថានហិរញ្ញវត្ថុ មិនត្រឹមតែសម្រួលដល់លំហូរដើមទុនប៉ុណ្ណោះទេ ប៉ុន្តែថែមទាំងបង្កើតជាគ្រឹះយ៉ាងរឹងមាំសម្រាប់ដៃគូរយៈពេលវែង ការរីកចម្រើនរួមគ្នា និងវិបុលភាពទៅវិញទៅមក។

ធនាគារ អុឹមប៊ី (ខេមបូឌា) មានមោទនភាពក្នុងការរួមចំណែកភ្ជាប់ទំនាក់ទំនងសេដ្ឋកិច្ចនៃប្រទេសទាំងពីរ តាមរយៈដំណោះស្រាយធនាគារដែលគួរឱ្យទុកចិត្ត ដៃគូប្រកបដោយចីរភាព និងចក្ខុវិស័យវែងឆ្ងាយ។
ហើយយើងមានមោទនភាពក្នុងការកសាងស្ពានភ្ជាប់ទំនាក់ទំនងសេដ្ឋកិច្ច បង្កើនសក្តានុពលដល់អាជីវកម្ម និងរួមចំណែកដល់អនាគតដែលមានការភ្ជាប់ទំនាក់ទំនងកាន់តែជិតស្និទ្ធ និងរុងរឿងសម្រាប់កម្ពុជា និងវៀតណាម។